У межах Фестывалю прадугледжаныя наступныя намінацыі:
B. Друкаваная і вонкавая рэклама
E. Інтэрнэт-рэклама (банеры, прома-сайты, інтэрактыйныя праекты і інш.)
F. Рэкламныя, PR-кампаніі, прома-акцыі ды інш. праекты
G. Грамадсказначныя праекты ў галіне мастацтва і культуры
J. Беларускаарыентаваны рэкламны і камунікацыйны праект
K. Антыпрэмія «Каша сувораўская»
А таксама прадугледжаныя наступныя конкурсы:
L-1. Конкурс падрыхтаваных канцэптаў і ідэй, якія не знайшлі практычнай рэалізацыі
M-1. Конкурс маладых беларускіх рэкламістаў (да 28 гадоў)
N-1. Рэкламны фотаздымак
O-1. Пародыя на рэкламу (ролік, банер, постэр і інш)
P-1. Конкурс на найлепшы беларускамоўны слоган
Q-1 Конкурс на найлепшае пераагучванне рэкламнага роліка сусветнага брэнду
Агульныя патрабаванні да падачы работ
Да ўдзелу ў конкурсе прымаюцца работы, прынятыя замоўцам і рэалізаваныя за апошнія некалькі гадоў, якія не ўдзельнічалі ў конкурснай праграме AD.NAK! у 2010 годзе.
Конкурсныя матэрыялы прадастаўляюцца на носьбітах CD/DVD (PC) або запампоўваюцца на сайт Фестывалю. Кожная праца запісваецца асобным файлам. Назва файла павінна адпавядаць назве работы ў заяўцы. Па папярэдняму ўзгадненню з аргкамітэтам Фестывалю матэрыялы могуць быць перададзены праз любы FTP-сэрвіс.
Для шматстаронкавых выданняў (напрыклад, перакідны каляндар, гадавая справаздача, буклеты і г.д.) дадаткова да электроннага варыянту трэба даслаць 2 экз. работы ў арыгінале звычайнай поштай.
На вокладцы дыска альбо ў дадатковай інфармацыі да работы трэба адзначыць:
- Код намінацыі (напрыклад A01, G07);
- Назва арганізацыі, што падала работу, альбо імя і прозвішча аўтара;
- Дакладная назва работы, што адпавядае назве ў заяўцы.
Тэхнічныя патрабаванні да конкурсных работ:
- відэафайлы – фармат avi або mpg, разрозненне 640х480, гук стэрэа 48кГц, 16 bit;
- аудыёфайлы – фармат mp3, гук стэрэа 48кГц, 16 bit;
- графічныя файлы – фармат tiff, каляровая мадэль CMYK, разрозненне растравых выяў не менш за 300 dpi, доўгі бок не павінен перавышаць 30 см;
- інтэрнэт-праекты, рэкламныя і камунікатыўныя кампаніі прадастаўляюцца ў выглядзе прэзентацый ppt. Колькасць слайдаў – не больш за 10;
Тэхнічныя патрабаванні да конкурсных работ, якія будуць змешчаны ў электронным каталозе на сайце Фестывалю:
Для электроннага каталога работа прымацоўваецца да заяўкі ў асабістым кабінеце, у выглядзе файлаў фармату *. jpg, *. gif з разрозненнем 72 dpi, RGB, бок па гарызанталі не больш за 700 пікселяў. Для шматстаронкавых выданняў электронны варыянт павінен утрымліваць файл вокладкі і любую старонку на выбар.
Экспартаваць навіну
