E. Інтэрнэт-рэклама (банеры, прома-сайты, інтэрактыўныя праекты і інш.)

E-1. Web-сайт (micro-сайт, web-сайт выкананыя для кампаніі, брэнда альбо прадукту, у тым ліку прома-сайт)

E-2. Банер i іншая медыйная рэклама (розныя тыпы банераў, у тым ліку rich media; pop-up і інш., пры неабходнасці трэба паказаць працу ў кантэксце сайта, на якім адбывалася размяшчэнне)

E-3. Інтэрактыўная рэкламная кампанія з ужываннем не менш 2-х розных інструментаў (напрыклад банэр, прома-сайт, блог, форум і г.д.)

E-4. Кампанія ў сацыяльных сетках, кам’юніці, вірусная рэклама; крэатыўныя рашэнні для гульняў, блог;

E-5. Іншая інтэрактыўная рэклама і лічбавыя рашэнні, якія не могуць увайсці ў пералічаныя катэгорыі (гульні, рэклама для мабільных тэлефонаў, смартфонаў і інш.)

Да ўдзелу ў намінацыі прымаюцца работы, прынятыя замоўцам і рэалізаваныя за апошнія некалькі годоў і якія не ўдзельнічалі ў конкурснай праграме AD.NAK! у 2010 годзе.

Патрабаванні да падачы работ

Работа павінна быць у выглядзе прэзентацый ppt. Колькасць слайдаў – не больш за 10. Аб’ём файлу павінен быць не больш за 5 Мб.

У прэзентацыі праекта неабходна апісаць якія задачы камунікацыі стаялі, апісаць ідэю, дасягнутыя вынікі, а таксама ўсё, што, на думку ўдзельніка, робіць працу годнай перамогі. Банэры неабходна дасылаць асобнымі файламі як дадатак да прэзентацыі.

Файл прэзентацыі альбо архіў з некалькімі файламі запампоўваюцца на сайт Фестывалю у падзеле Падача работы. Кожная праца запісваецца асобным файлам. Назва файла павінна адпавядаць назве работы ў заяўцы, а таксама змяшчаць назву падкатэгорыі (напрыклад, E-1, E-2 і г.д.). Па папярэдняму ўзгадненню з аргкамітэтам Фестывалю матэрыялы могуць быць перададзены праз любы FTP-сэрвіс.

Работы таксама можна даслаць звычайнай поштай на CD/DVD (PC) па адрасе: 220030, Рэспубліка Беларусь, г. Мінск, вул. Няміга, 5, 3 паверх, частка офіснага памяшкання №21б, з паметкай «У Аргкамітэт Фестывалю AD.NAK!».

Нагадваем, што работы прымаюцца да 6 чэрвеня 2011 года. Дапаўняльныя пытанні можна задаць па тэлефонах +375 29 755-1434, 177-0121, +375 25 978-9787, альбо па e-mail adnak@budzma.org.

Крытэрыі ацэнкі:

  • Адпаведнасць ужывання беларускай мовы мэтам і задачам камунікацыі.

Рэкламная камунікацыя з маркетынгавага пункту гледжання:

  • адпаведнасць іміджу брэнда, паляпшае/пагаршае яго, ці адхіляе брэнд ад канкурэнтаў
  • ці зразумелая камунікацыя з мэтавай аўдыторыяй, на якую накіравана;
  • практычная значнасць — наколькі вырашаны задачы камунікацыі.

Прафесійны ўзровень работы:

  • ужыванне прафесійных інструментаў, адпаведных пастаўленай задачы;
  • абавязковая наяўнасць у рабоце актуальнай (сучаснай) візуальнай культуры;
  • замацаванне існуючых актуальных трэндаў у пабудаванні камунікацыі і/ці дызайне альбо фармаванне новых трэндаў, якія спрыяюць росту візуальнай культуры ў Беларусі;
  • узровень тэхнічнага выканання (рэалізацыі) работы.

Арыгінальнасць работы:

  • наяўнасць so-called «іскрынкі» — ці ёсць нешта адметнае, неардынарнае ў камунікацыі, падачы, выкананні — або поўная «шэрасць», пазычанасць ідэі ды інш.

Экспартаваць навіну